Groenwilgers is ‘n pragtige plek. Elk van die 56 woonstelle het sy eie klein tuintjie en kyk uit oor ‘n lieflike grasperk langs die Mooirivier; ‘n vriendelike tuiste vir mense bo 60, met ‘n geregistreerde versorgingseenheid wat ongeveer 13 pasiënte kan huisves.

​Groenwilgers was die heel eerste instansie in die land wat deeltitel woonstelle aan bejaardes beskikbaar gestel het. Dit was die breinkind van Mnr Dirk du Toit, wat in die laat sewentigerjare bewus geraak het van die behoefte aan verblyf vir bejaardes wat emosioneel nie gereed was om in ’n ouetehuis in ’n slaapkamer, met net ’n bed en bedkassie, te gaan woon nie.